Hjá slökkviliði höfuðborgarsvæðisins (SHS) starfa um 160 manns, flestir þeirra eru á vöktum og sinna sjúkraflutningum ásamt útköllum á brunabílum.
Menn þurfa að vera í góðri þjálfun
Gerðar eru miklar kröfur til hæfni og þjálfunar þeirra sem starfa á útkallssviði slökkviliðs höfuðborgarsvæðisins. Það kallar á mikla menntun og þjálfun sem er í stöðugri endurskoðun. Starfsmenn þurfa meðal annars að standast strangar kröfur um líkamsþjálfun og gangast reglulega undir þrekpróf.
Þrekpróf 1x á ári
Allir þeir starfsmenn sem sinna útköllum fara í þrekpróf einu sinni á ári. Við hittum Elías Níelsson, íþróttafræðing og íþróttaþjálfara SHS, þar sem hann var með slökkviliðsmenn í þrekprófum og hann fer yfir ferlið með okkur.
