fbpx

Hvað er kólestról ?

Höfundur:   0 athugasemdir

Kólestról er fituefni sem er nauðsynlegt fyrir líkamann. Frumuhimnur þurfa kólestról og gegnir það sérstaklega mikilvægu hlutverki fyrir taugafrumur. Einnig þarf líkaminn kólestról við framleiðislu ýmissa hormóna eins og til dæmis testósteróns og estrógens.

Lifrin framleiðir mest af því kólestróli sem líkaminn þarfnast. Þessi framleiðsla er einstaklingsbundinn. Hátt kólestról í blóði er oft arfgengt.

Nokkrar tegundir eru til af kólestróli. Þegar blóðfita er rannsökuð þá eru eftirtaldar mælingar gerðar:

  • Heildarmagn kólestróls
  • LDL-kólestról, en þetta er oft kallað „vonda kólestrólið“. Það er sökum fylgni milli hás LDL-kólestróls og hættunar á hjartaáföllum, heilablóðfalli og fleiri sjúkdómum.
  • HDL-kólestról, en þetta efni er oft kallað „góða kólestrólið“. Það er sökum öfugs fylgni milli HDL-kólestróls og hjarta-og æðasjúkdóma. Með öðrum orðum, því hærra sem HDL-kólestrólið er, því minni er hættan á hjarta- og æðasjúkdómum.
  • Þríglýseríðar. Þessi fita er annars eðlis en kólestról. Hátt magn þríglýseríða í blóði er talið auka líkurnar á hjarta- og æðasjúkdómum.

 

Heimildir:
Kennsluefni ÍAK, einkaþjálfun.
https://www.visindavefur.is/svar.php?id=10975

Bent er ÍAK einkaþjálfari og auk þess með sterkan bakgrunn í vef- og markaðsmálum og vann m.a. um árabil við markaðs- og auglýsingamál hjá World Class. Bent var vefstjóri Kópavogsbæjar um árabil og hefur einnig unnið við margvísleg verkefni hjá mbl.is. Bent er ljósmyndari og hafa myndir eftir hann verið birtar í blöðum víðsvegar um heim. Hann er auk þess bæði tónlistarmaður og tónlistarkennari og brautryðjandi í fjarkennslu á gítar. Bent er einnig menntaður í garðyrkjufræðum frá Garðyrkjuskóla ríkisins.

Segðu þína skoðun...