fbpx

Ertu að eyða eða verja tíma með börnunum ?

Höfundur:   0 athugasemdir

Það hefur alltaf stungið mig þegar fólk talar um að eyða tíma. Mér finnst í því felast svo mikil neikvæðni og svartsýni. Fólk talar um illgresiseyði, skordýraeyði, eyðibýli og annað í þeim dúr sem er frekar í átt að dauða en blómstrandi lifandi lífi.

Verja tíma

Ég hef tamið mér að tala frekar um að verja tíma til að gera hitt og þetta sem ég hef ánægju af. Til dæmis hugsa ég algjörlega um það að verja tíma með dóttur minni umfram að eyða tíma með henni. Í mínum huga verður stundin dýrmætari, uppfull af jákvæðni og það er einnig mun meiri núvitund í því heldur en að eyða tíma. Ég er að „passa“ upp á tímann, verja hann, og vera staddur á staðnum – meðvitað.

Hvað finnst þér ? Hefurðu pælt í þessu ? Hvort ert þú að eyða tíma eða verja tíma ?

Bent er ÍAK einkaþjálfari og auk þess með sterkan bakgrunn í vef- og markaðsmálum og vann m.a. um árabil við markaðs- og auglýsingamál hjá World Class. Bent var vefstjóri Kópavogsbæjar um árabil og hefur einnig unnið við margvísleg verkefni hjá mbl.is. Bent er ljósmyndari og hafa myndir eftir hann verið birtar í blöðum víðsvegar um heim. Hann er auk þess bæði tónlistarmaður og tónlistarkennari og brautryðjandi í fjarkennslu á gítar. Bent er einnig menntaður í garðyrkjufræðum frá Garðyrkjuskóla ríkisins.

Segðu þína skoðun...